Monday, June 01, 2009

നീ

നീയെന്തിനെന്നെ വീണ്ടുമുണര്‍ത്തി
കണ്ണില്‍ പ്രതീക്ഷതന്‍ പൂക്കള്‍ വിടര്‍ത്തി
കല്ലോലവീചികള്‍ ഗീതം പൊഴിക്കും
കാവാലമാറിന്‍റെ തീരത്തു നിര്‍ത്തി

കാമിനീ ഹേ പ്രിയ രാഗമേ നീയെന്തെന്‍
കൂരിരുള്‍ പാതയില്‍ ദീപമായ് മിന്നി
ഹൃത്തില്‍ വിഷാദഗ്നിജ്വാലകള്‍ നീളവേ
നീയെന്തിനെന്നില്‍ കിനാക്കളായ് മാറി

നീയെന്തിനെന്നുമെന്‍ സ്വപ്നസഞ്ചാരത്തില്‍
സ്നേഹം പൊഴിക്കും പ്രകാശമായ് മാറി
അറിയില്ലയിന്നും ഇതജ്ഞാത സത്യം
ഇതവനി തന്‍ സ്വന്തമാം മിഥ്യതന്‍ സത്യം
ഇതിവനുടെ നെഞ്ചിലെ ജീവന്‍റെ സ്വത്വം

© ജയകൃഷ്ണന്‍ കാവാലം

17 comments:

ഫസല്‍ ബിനാലി.. said...

Hridhyamaaya varikal...
aashamsakal.

ഞാന്‍ ആചാര്യന്‍ said...

"ഇതവനിതന്‍...സത്യം"

കവിത വായിച്ചു. അഭിനന്ദനങ്ങള്‍

ജിജ സുബ്രഹ്മണ്യൻ said...

നീയെന്തിനെന്നുമെന്‍ സ്വപ്നസഞ്ചാരത്തില്‍
സ്നേഹം പൊഴിക്കും പ്രകാശമായ് മാറി
അറിയില്ലയിന്നും ഇതജ്ഞാത സത്യം
ഇതവനി തന്‍ സ്വന്തമാം മിഥ്യതന്‍ സത്യം
ഇതിവനുടെ നെഞ്ചിലെ ജീവന്‍റെ സ്വത്വം


കൊള്ളാമല്ലോ ജയകൃഷ്ണാ !

ചാണക്യന്‍ said...

മാഷെ,
കവിത നന്നായി..ആശംസകള്‍..

ഓടോ: ഇത് വായിച്ചപ്പോള്‍ എനിക്ക് കുറച്ച് സംശയങ്ങളും ചോദിക്കാന്‍ കുറെ ചോദ്യങ്ങളും ഉണ്ട്..പക്ഷെ ഞാനൊന്നും ചോദിക്കുന്നില്ല...ഞാനാരാ മ്വോന്‍....ഹിഹിഹിഹിഹിഹിഹിഹി...

ശ്രീ said...

നന്നായിരിയ്ക്കുന്നു, മാഷേ

Jayasree Lakshmy Kumar said...

നന്നായിരിക്കുന്നു

ramanika said...

nannayirikkunnu
aasamsakal

കാപ്പിലാന്‍ said...

കാവ്യ ഭംഗി തുളുമ്പുന്ന കാവാലം വരികള്‍ .ആശംസകള്‍
ഓടോ -ചാണക്യന്‍ പറഞ്ഞത് ശ്രദ്ധിക്കുമല്ലോ :)

Typist | എഴുത്തുകാരി said...

പ്രതീക്ഷകള്‍ തന്‍ പൂക്കള്‍ വിടര്‍ത്തി,
കൂരിരുള്‍ പാതയില്‍ ദീപമായ് മിന്നി, സ്ന്നേഹം പൊഴിക്കും പ്രകാശമായ് മാറി
എന്നും അങ്ങനെ തന്നെയാവട്ടെ.

വാഴക്കോടന്‍ ‍// vazhakodan said...

കവിത നന്നായി, അഭിനന്ദനങ്ങള്‍

Anonymous said...

എന്തിനെന്നെ വിളിച്ചു നീ വീണ്ടും...

എന്ന പാട്ടോര്‍മ്മ വന്നു

നന്നായിരിക്കുന്നു

- സുനന്ദ

ശ്രീഇടമൺ said...

കവിത നന്നായിട്ടുണ്ട്
ആശംസകള്‍...*

Sapna Anu B.George said...

സുന്ദരമായ കവിത ജയകൃഷ്ണാ

ഹന്‍ല്ലലത്ത് Hanllalath said...

നല്ല വരികള്‍.

കാവാലം ജയകൃഷ്ണന്‍ said...

ഫസല്‍, ആചാര്യന്‍, കാന്താരിക്കുട്ടി, ചാണക്യന്‍, ശ്രീ, ലക്ഷ്മി, ramaniga, കാപ്പിലാന്‍, എഴുത്തുകാരി, വാഴക്കോടന്‍, സുനന്ദ, ശ്രീ ഇടമണ്‍, സപ്ന അനു ബി ജോര്‍ജ്ജ്, hAnLLaLaTh എല്ലാവര്‍ക്കും സ്നേഹപൂര്‍വ്വം നന്ദി അറിയിക്കുന്നു

അരുണ്‍ കരിമുട്ടം said...

വായിച്ച് കഴിഞ്ഞപ്പോള്‍ പ്രതീക്ഷകളാണോ അതോ ആശങ്കകളാണോ ഉദ്ദേശിച്ചത് എന്ന് മനസ്സിലായില്ല
:)
വരികള്‍ മനോഹരം

കാവാലം ജയകൃഷ്ണന്‍ said...

അരുണ്‍ കായംകുളം: അതൊരു ഉത്തരം മുട്ടിക്കുന്ന ചോദ്യമാണല്ലോ കൂട്ടുകാരാ. സര്‍വ്വസംഗപരിത്യാഗികളായ സന്യാസിമാര്‍ക്ക് എന്ത് ആശങ്ക, എന്തു പ്രതീക്ഷ???്‌