അതു രാത്രിയായിരുന്നു
അവള്‍ വന്നതു സത്യമായിരുന്നു
ഇതു നക്ഷത്രങ്ങള്‍ പറഞ്ഞതാണ്
എന്‍റെ കിനാവുകള്‍ക്കു കൂട്ടിരുന്ന താരകള്‍ !
അവര്‍ പറയുന്നതു കള്ളമാവില്ല
അവരുടെ ചിന്തകള്‍ക്ക് എന്നേക്കാള്‍ ഉണര്‍വ്വുണ്ട്‌
പുലരിയേക്കാള്‍ ഉണ്മയുണ്ട്‌
പക്ഷേ അവസാനം?
അതു മാത്രം നക്ഷത്രങ്ങള്‍ പറഞ്ഞില്ല
എന്തു കൊണ്ടോ... അതു മാത്രം...
എത്ര ചോദിച്ചിട്ടും കണ്‍ചിമ്മിയതല്ലാതെ
ഒന്നും പറയാന്‍ അവര്‍ തയ്യാറല്ല
അപ്രിയസത്യം പറയാതിരിക്കുന്നതല്ലേ ഭേദം?
© ജയകൃഷ്ണന്‍ കാവാലം
സ്വകാര്യം
- കാവാലം ജയകൃഷ്ണന്‍
- അങ്ങു ദൂരെ മനസ്സിനടുത്ത് ഹൃദയത്തോട് തൊട്ടു കിടക്കുന്ന ഒരു ഗ്രാമം, കനവുകളില് കരിവളകള് കിലുങ്ങുന്ന ഗ്രാമം,പ്രിയ സഖി പ്രകൃതിയോടൊത്ത് സാക്ഷാല് പരം പുരുഷന് അഭിരമിക്കുന്ന ദിവ്യ ഗ്രാമം,ഗന്ധര്വ്വ യാമങ്ങളില് കൈതപ്പൂ ചൂടി പ്രണയ പരവശയാവാറുള്ള ഗ്രാമം,കരിനിലങ്ങളില് കവിത വിളയുന്ന ഗ്രാമം,എന്‍റെ കുഞ്ഞു പൂന്തോട്ടത്തിലെ തുളസിപ്പൂവുകള് തന്റെ പ്രിയ ഗ്രാമത്തെ കാണുവാന് ഭഗവാന് എഴുന്നള്ളുന്നതു കാത്തിരിക്കുന്നു. കിഴക്കുപുറം പാടത്തിന്റെ കിഴക്കേ അതിര്ത്തിയില്, ഹിമകണങ്ങളാല് കുളി കഴിഞ്ഞെത്തിയ , അവളുടെ മൃദു മേനി കാണുവാന് ദിവസവും രാവിലെ ആദിത്യ ഭഗവാന് എഴുന്നള്ളി നില്ക്കുന്നു... പ്രണയാര്ദ്രമായ അരുണ കിരണങ്ങളേറ്റവളുടെ കവിളുകള് ലജ്ജയാല് ചുവന്നു തുടുക്കുന്നു,ആ കിരണങ്ങളുടെ പരിരംഭണത്തില് അവള്‍ മുങ്ങി നിവരുമ്പോള് ഞങ്ങളുടെ ഒരു ദിവസം തുടങ്ങുകയായി.അതെ ഇതു കാവാലം. സ്നേഹിക്കാനും, കളിക്കാനും,കഥ പറയാനും,കരയാനും, പഠിക്കാനും,സ്വപ്നം കാണുവാനും എനിക്കും ഒരിടമവള് കരുതി വച്ചു.അവളുടെ സ്നേഹക്ഷീരാമൃത കുംഭവും പേറി അവിടെയെന്നെന്നും പൂന്തെന്നല് വന്നിരുന്നു.നെല്ലോലകള് താരാട്ടു പാടി ഉറക്കിയിരുന്ന എന്‍റെ ബാല്യകാലത്തിന്റെ മാധുര്യം,അവിടെ തുടങ്ങിയ ജീവിതയാത്രയില് കണ്ട കാഴ്ചകളും, അനുഭവങ്ങളും തനിമ നഷ്ടപ്പെടാതെ എന്നാല്‍ മറ്റൊരു രൂപത്തില് ഇവിടെ നമുക്കു പങ്കു വയ്ക്കാം.എന്‍റെ കയ്യില് ഇതിലേറെ വിലമതിക്കുന്ന മറ്റൊന്നില്ല
Posts
Comments
Control Manager
8 comments:
അതെ സത്യം അപ്രിയമാണെങ്കില്‍ പറയണ്ട
:)
പക്ഷെ അവസാനം ?
ഇതൊരു ഉത്തരംകിട്ടാത്ത ചോദ്യമായി അവശേഷിക്കും എന്നും!
അതും അവര്‍ തന്നെ പറയണോ..?
:)
ജയാ ഇഷ്ടപ്പെട്ടു ഇക്കവിത :)
Athangane parayan kazhiyumo........?
വേണ്ട മാഷെ അപ്രിയ സത്യം പറയണ്ട...
രാത്രിയില്‍ അവള്‍ വന്നത് സത്യമാണോ?:)
കണ്ണുചിമ്മിക്കൊണ്ടു പലതും പറയാന്‍ കഴിയില്ലേ?
അരുണ്‍ കായംകുളം, ramaniga: സന്ദര്‍ശനത്തിന് നന്ദി അറിയിക്കുന്നു
hAnLLaLaTh: അതൊരു ചോദ്യമാണ്
ആചാര്യന്‍: നന്ദി
നീരജ: പറയാതെ എങ്ങനെ അറിയും?
ചാണക്യന്‍: സത്യം. സത്യമായും വന്നിരുന്നു അവള്‍. പക്ഷേ രൂപം വ്യക്തമല്ലെ. എന്നാല്‍ അവള്‍ സുന്ദരിയായിരുന്നു. അഭൌമമയ സൌന്ദര്യമുള്ളവള്‍ !
ജിതേന്ദ്രകുമാര്‍: സ്വാഗതം. അതു ശരിയാ. പക്ഷേ അവര്‍ കണ്ണു ചിമ്മിയപ്പോള്‍ എന്‍റെ കണ്ണുകള്‍ നിറഞ്ഞിരുന്നു. അതുകൊണ്ട് കാണാന്‍ കഴിഞ്ഞില്ല.
എല്ലാവര്‍ക്കും ഒരിക്കല്‍ക്കൂടി നന്ദി അറിയിക്കുന്നു
Post a Comment