ഉറക്കത്തിലെ കൂട്ടുകാരി

അവന്‍റെ രാവുകളില്‍
അവളവനോടു ചേര്‍ന്നുറങ്ങുമായിരുന്നു
അവന്‍റെ സ്വപ്നങ്ങള്‍ അവളുടേതുമായിരുന്നു
അവന്‍റെ മാറിലെ ചൂടേറ്റ്, അവന്‍റെ ഗന്ധമേറ്റ്,
അവന്‍റെ പരിലാളനമേറ്റവള്‍
എന്നും അവനോടൊപ്പമുണ്ടായിരുന്നു
അവനോടൊപ്പമുള്ള നിദ്രകള്‍
അവള്‍ക്കെന്നും പ്രിയമുള്ളതായിരുന്നു
പുലരി വന്നവനെ ഉണര്‍ത്തുമ്പോള്‍
അവള്‍ക്കെന്നും പരിഭവമായിരുന്നു
അവള്‍ക്കു മനോഹരമായ കണ്ണുകളുണ്ടായിരുന്നു
ആ കണ്ണുകളില്‍ പ്രണയമുണ്ടായിരുന്നു
അവളുടെ ശരീരം മിനുസമുള്ളതായിരുന്നു
അവള്‍ക്കു വാലുണ്ടായിരുന്നു...
...
...
...
...
...
...
...
പൂച്ചക്കു പിന്നെ വാലില്ലാതിരിക്കുമോ?

© ജയകൃഷ്ണന്‍ കാവാലം