എന്‍റെ പ്രിയയാമീയറയില്‍ ഞാന്‍ നിത്യവും
ഏകനായ് വിശ്രമിക്കും
നിഴലുകള്‍ നല്‍കുന്ന ചുംബനപ്പൂക്കള്‍ തന്‍
നിര്‍വൃതിയാസ്വദിക്കും
പരിഭവക്കൊഞ്ചലും കവിതയും കേള്‍ക്കുവാന്‍
ജനലുകള്‍ കാതോര്‍ത്തു കാത്തിരിക്കും
അവ പ്രകൃതിതന്നധരത്തില്‍ കൈകള്‍ മൂടും
നിശ്വാസമെന്നാത്മരാഗവും പേറിയെന്‍
നിശയുടെ മൂകത ധന്യമാക്കും
നിഴല്‍ സഖി,യവളുടെ വടിവുകളാലെന്നില്‍
രതിസ്വപ്നമൊന്നു പകര്‍ന്നു നല്‍കും
ചന്ദ്രിക ചാരത്തണഞ്ഞതു പോലൊരു
പുഞ്ചിരിയെന്നില്‍ പകര്‍ന്നു നല്‍കും
ഞാനെന്നിലെയെന്നില്‍ അലിഞ്ഞു ചേരും
പകലുകള്‍ പാടുന്ന പാട്ടുകളല്ലാതെ
രാത്രിയൊരീണം കരുതി വയ്ക്കും
ആ രാഗമൊരു രാഗമാലികയായ് മാറി
മമജീവഗാഥയായ് ഭൂമി പാടും
എന്‍റെ പൂക്കൈതയാറുമതേറ്റു പാടും...
© ജയകൃഷ്ണന്‍ കാവാലം
സ്വകാര്യം
- കാവാലം ജയകൃഷ്ണന്‍
- അങ്ങു ദൂരെ മനസ്സിനടുത്ത് ഹൃദയത്തോട് തൊട്ടു കിടക്കുന്ന ഒരു ഗ്രാമം, കനവുകളില് കരിവളകള് കിലുങ്ങുന്ന ഗ്രാമം,പ്രിയ സഖി പ്രകൃതിയോടൊത്ത് സാക്ഷാല് പരം പുരുഷന് അഭിരമിക്കുന്ന ദിവ്യ ഗ്രാമം,ഗന്ധര്വ്വ യാമങ്ങളില് കൈതപ്പൂ ചൂടി പ്രണയ പരവശയാവാറുള്ള ഗ്രാമം,കരിനിലങ്ങളില് കവിത വിളയുന്ന ഗ്രാമം,എന്‍റെ കുഞ്ഞു പൂന്തോട്ടത്തിലെ തുളസിപ്പൂവുകള് തന്റെ പ്രിയ ഗ്രാമത്തെ കാണുവാന് ഭഗവാന് എഴുന്നള്ളുന്നതു കാത്തിരിക്കുന്നു. കിഴക്കുപുറം പാടത്തിന്റെ കിഴക്കേ അതിര്ത്തിയില്, ഹിമകണങ്ങളാല് കുളി കഴിഞ്ഞെത്തിയ , അവളുടെ മൃദു മേനി കാണുവാന് ദിവസവും രാവിലെ ആദിത്യ ഭഗവാന് എഴുന്നള്ളി നില്ക്കുന്നു... പ്രണയാര്ദ്രമായ അരുണ കിരണങ്ങളേറ്റവളുടെ കവിളുകള് ലജ്ജയാല് ചുവന്നു തുടുക്കുന്നു,ആ കിരണങ്ങളുടെ പരിരംഭണത്തില് അവള് മുങ്ങി നിവരുമ്പോള് ഞങ്ങളുടെ ഒരു ദിവസം തുടങ്ങുകയായി.അതെ ഇതു കാവാലം. സ്നേഹിക്കാനും, കളിക്കാനും,കഥ പറയാനും,കരയാനും, പഠിക്കാനും,സ്വപ്നം കാണുവാനും എനിക്കും ഒരിടമവള് കരുതി വച്ചു.അവളുടെ സ്നേഹക്ഷീരാമൃത കുംഭവും പേറി അവിടെയെന്നെന്നും പൂന്തെന്നല് വന്നിരുന്നു.നെല്ലോലകള് താരാട്ടു പാടി ഉറക്കിയിരുന്ന എന്‍റെ ബാല്യകാലത്തിന്റെ മാധുര്യം,അവിടെ തുടങ്ങിയ ജീവിതയാത്രയില് കണ്ട കാഴ്ചകളും, അനുഭവങ്ങളും തനിമ നഷ്ടപ്പെടാതെ എന്നാല് മറ്റൊരു രൂപത്തില് ഇവിടെ നമുക്കു പങ്കു വയ്ക്കാം.എന്‍റെ കയ്യില് ഇതിലേറെ വിലമതിക്കുന്ന മറ്റൊന്നില്ല
Posts
Comments
Control Manager
14 comments:
ബോസ്സ്, നല്ല വരികള്‍:)
:0)
ചൊല്ലി രസിക്കാന്‍ നല്ല കവിത...പ്രമേയവും നല്ലത്‌ ...ആസ്വദിച്ചു.....
മനോഹരം മാഷേ.... ഇഷ്ടപ്പെട്ടു
നല്ല വരികള്‍ ജയകൃഷ്ണന്‍....ആശംസകള്‍...
വളരെ നന്നായിരിക്കുന്നു ജയ
ആശംസകൾ
നല്ല വരികൾ...ചൊല്ലാൻ(ചൊല്ലിക്കേൾക്കാൻ) സുഖമുള്ള കവിത..
വരികൾ വളരെ നന്നായി ജയകൃഷ്ണൻ
സുഹൃത്തേ വളരെ നന്നായിരിക്കുന്നു
ലളിതമായ നല്ല വരികള്‍
എനിക്കിഷ്ടപ്പെട്ടു
സുഹൃത്തേ വളരെ നന്നായിരിക്കുന്നു
ലളിതമായ നല്ല വരികള്‍
എനിക്കിഷ്ടപ്പെട്ടു
സുഹൃത്തേ വളരെ നന്നായിരിക്കുന്നു
ലളിതമായ നല്ല വരികള്‍
എനിക്കിഷ്ടപ്പെട്ടു
സുഹൃത്തേ വളരെ നന്നായിരിക്കുന്നു
ലളിതമായ നല്ല വരികള്‍
എനിക്കിഷ്ടപ്പെട്ടു
ഒരു പത്താം ക്ലാസ്സ് കവിത...
അഭിപ്രായമറിയിച്ച എല്ലാവര്‍ക്കും നന്ദി
Post a Comment